LHPP programak bi ikasturtetan egin behar dira, bigarrenean lantokietako praktika-aldia dagoelarik.
Lanbide-prestakuntzarako programek moduluei
begirako egitura hauxe dute:
1. NAHITAEZKO MODULUAK
a) Berariazko
moduluak: Programaren kurrikuluko langilearen profilari dagozkion trebetasunak
garatzeko eta lortzeko edukiak zehazten dira.
b) Maila
orokorreko heziketa-moduluak: berariazko moduluei probetxu ateratzeko
oinarrizko trebetasunak garatzeko eta lortzeko edukiak ezartzen dituzte.
Bi esparrutan banatzen dira:
Komunikazio eta Gizarte arloa: moduluak hauexek
dira: Euskal Hizkuntza eta Literatura, Gaztelania eta Literatura, Gizarte
zientziak eta Herritarrentzako Heziketa.
Zientzia-teknologia arloa: moduluak hauexek
dira: Matematikak, Teknologia eta Natur-zientziak.
c) Aholkularitza
eta tutoretzarako modulua: edukiak eta jarduerak zehazten ditu ikasleen
beharren eta espektatibak asetzeko ikasleekin eurekin jarduteko eta tutoretzak
ere indartzeko.
2.
HAUTAZKO MODULUAK
Edukiak zehazten dituzte Derrigorrezko Bigarren Hezkuntzako Graduatua atera ahal izateko. Horretaz
gain, ikasleek hezkuntza-sisteman formakuntza-prozesua jarrai dezaten ere du
helburu.
Modulu hauen kurrikulua Hezkuntza,
Unibertsitate eta Ikerkuntzako Sailak ezarritakoa da, Helduen Hezkuntzan,
heziketa-ekintzetan Derrigorrezko Bigarren Hezkuntzako Graduatua lortzeko
bada.
Hiru esparru ditugu: Komunikazioa, Gizartea
eta Zientzia-teknologia.
JARDUTEKO ORDU KOPURUA
Lanbide-prestakuntzarako programak bi
ikasturtetan egiten dira. Ikasturteek 1059na ordu dute, asteko jarduera 30
eskola-ordukoa izanik. Lantoki batean egin behar den trebakuntzaren modulua,
ostera, salbuespena da astean 35 orduko iraupena izan baitezake.